आयुर्वेदानुसार स्वास्थ्य कसे सांभाळावे याचे मार्गदर्शन डॉ. सुभाष रानडे आणि डॉ. राजेंद्र देशपांडे यांनी या पुस्तकातून केले आहे.
प्रारंभी त्यांनी आयुर्वेदानुसार प्रकृतीची ओळख करून घेण्यास सांगितले आहे. दिवसाची सुरुवात कशी करावी, दातांचे आरोग्य, मलविसर्जन, अभ्यंग स्नान अशा दिवसाच्या सुरुवातीचे महत्त्व समजावून सांगितले आहे. व्यायाम, योग, प्राणायाम यांची माहिती करून दिली आहे. आहारशास्त्र, मीठ, साखरेसारखे घटक त्याचबरोबर फळभाज्या, पालेभाज्या, धान्ये, कडधान्ये, मसाल्याचे पदार्थ, दूध, पनीर आणि मांसाहार यांची माहिती दिली आहे.
प्रकृतीनुसार आहार, आयुर्वेदिक वनस्पतींची ओळख, वृक्षांची पाने व सालांपासून बनवली जाणारी औषधे याबद्दल स्वतंत्र विभागातून माहिती मिळते. ऋतूनुसार आरोग्य कसे सांभाळावे याचा सल्ला दिला आहे. आजार होऊ नये, यासाठी काय करावे आणि आजार झालाच तर काय करावे, याबद्दलही पुस्तकात मार्गदर्शन आहे.
प्रकाशक : अनमोल प्रकाशन
पाने : ३६५
किंमत : २७५ रुपये
(हे पुस्तक ‘बुकगंगा डॉट कॉम’वरून घरपोच मागवण्यासाठी खालील लिंकवर क्लिक करा.)